Por: Rección Malán Curichumbi
Kichwa Puruhá, Doctor en Ciencias de la Educación
Agosto 18 de 2018
Imamantatak kikinlla kanki,
ñuka tiyasha ishkay kawsashun,
ñuka mikusha ishkay mikushun,
chashnami munay, chaymari kawsay.
Wasi ñawpakpi kiwa huntakpi,
tumi hapisha tukuy kiwasha,
sara tarpushun, muti mikushun,
nuna kushiyan, aycha sinchiyan.
Llakilla kayta, ama kayashun
wiki ñawita, ama rikushun
uku nunachu kushilla kanka
ñukanchik puri wayllaklla kanka.
Sinchi sinchita shayarishunri,
alli pampapi wankarishunri,
intita rikuy, killata rikuy,
mana wakanchu, mana shaykunchu.
Runa kawsaymi chashna munayka
alli purishun, alli kawshashun,
mishki shinalla, nina shinalla,
tukuypak munay, tukuypak rikuy.
